Í fögrum fjallasal

- Allt árið um kring -

Vetrarleiga - gott að hafa í huga

23. september 2025

Nú þegar sumarleigum er lokið og haustið minnir á sig, með allri sinni fegurð, er vert að minna á að flest félög úthluta sjálf allt árið. Því er um að gera að fara inn á orlofssíðu ykkar félags til að bóka. Við sjáum þó um útleigu fyrir nokkur félög yfir vetrartímann, þær bókanir fara í gegnum netfangið okkar illugastadir@simnet.is eða í síma 4626199 einig er hægt að vera í sambandi við okkur í gegnum heimasíðuna okkar www.illugastadir.is þar er að finna myndir og upplýsingar um staðinn. Einnig er vert að minna á salinn góða sem hægt er að fá leigðan fyrir hin ýmsu tilefni 🙂

Orlofshús

Sælustaður í Fnjóskadal

Orlofshúsabyggðin á Illugastöðum í Fnjóskadal er fyrir löngu vel kunn flestum landsmönnum, svo margir hafa dvalið þar eða litið við hjá vinum og kunningjum sem þar hafa dvalið. Illugastaðir eru sívinsæll orlofsstaður.

Aðilar sem standa að Illugastöðum

Upplýsingar, koma, umgengni og í neyð

Sagan Illugastaða frá uppbyggingu 1968

Stöðug þróun

Almennt um húsin

Húsin á Illugastöðum hafa flest verið endurnýjuð og lagfærð á undanförnum árum, bæði að innan sem utan. Hitaveita er á svæðinu og er heitur pottur við öll hús. Illugastaðir eru ákaflega vinsæll orlofsdvalarstaður og þangað sækir fólk af öllu landinu.

Fnjóskadalur státar af náttúrufegurð og er dalurinn sannkölluð perla fyrir náttúruunnendur, sérstaklega þá sem hafa áhuga á gönguferðum, jafnt að sumri sem vetri.

Í flestum orlofshúsunum á Illugastöðum er svefnpláss fyrir sex til átta manns í hverju húsi ásamt sængum fyrir jafnmarga.

Húsin eru flest um 45 fermetrar að stærð og eru vel búin, meðal annars er í þeim gasgrill og nettenging.

Eitt af húsunum er útbúið með betra aðgengi fyrir einstaklinga með skerta hreyfigetu, hús nr. 26. Þeir sem þurfa á því að halda er bent á að hafa samband við sitt stéttarfélag sem mun þá vera í sambandi við Einingu-Iðju.